01:16, 04 Tamyz 2025 | GMT +5
Astanada Syǵanaq kóshesiniń bir bóligi ýaqytsha jabylady
ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy Syǵanaq kóshesiniń Arys kópirinen Túrkistan kóshesine deıingi aralyǵynda jol tósemine ortasha jóndeý júrgizedi.
Sonymen qatar, jumystar Arys kópirinde de júrgiziledi.
Osyǵan baılanysty 3-25 tamyz aralyǵynda kórsetilgen ýchaskede qozǵalys ishinara jabylatyn bolady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Elorda turǵyndary men qonaqtary qala joldarynda keptelis boldyrmas úshin qozǵalys baǵytyn aldyn ala josparlaýy qajet.
Aıta ketelik Astanadaǵy Qonaev pen Túrkistan kósheleriniń qıylysy ishinara jabylady.