Astanada Syǵanaq kóshesi jóndeý jumysyna baılanysty jartylaı jabylady
ASTANA. KAZINFORM — Astanada 9-16 shilde aralyǵynda Syǵanaq kóshesiniń Qabanbaı batyr dańǵylynan Arys kópirine (M-3) deıingi ýchaskesinde jol jabynynyń ústińgi qabatyn tóseý jumysy júrgiziledi. Bul týraly Astana ákimdiginiń baspasóz qyzmeti habarlady.
— Atalǵan ýchaske kezeń-kezeńimen jabylatyn bolady. Osyǵan baılanysty kólik qozǵalysy joldyń bir jaǵymen eki baǵytta uıymdastyrylady, — delingen habarlamada.
Júrgizýshiler men jaıaý júrginshiler júrý baǵytyn aldyn ala josparlap, yqtımal ózgeristerdi eskergeni jón.
Eske salaıyq, buǵan deıin Astanada Q. Amanjolov kóshesin Sh. Qaldaıaqov kóshesinen Raıymbek batyr kóshesine deıingi aralyqta kabeldik káriz jelisin salý jumysy josparlanyp otyrǵanyn habarlaǵan edik.
