Astanada ShYU Ýnıversıteti týraly kelisimge qol qoıyldy
Atalǵan qujatqa Qazaqstan tarapynan Bilim jáne ǵylymı mınıstri Erlan Saǵadıev, Qyrǵyzstannan Bilim jáne ǵylym mınıstri Gúlmıra Qudaıberdıeva, al Reseı jaǵynan Bilim mınıstriniń orynbasary Lıýdmıla Ogorodova qol qoıdy.
«Búginde uıym keńistiginde bilim salasynda kópjaqty ózara is-qımyldyń basty tetigi - ShYU Ýnıversıteti bolyp tabylady. Osy oraıda ShYU Ýnıversıteti aıasynda joǵary bilikti kadrlardy daıarlaý uıymǵa múshe memleketterdiń mádenı, bilim berý, ekonomıkalyq yntymaqtastyǵynyń basymdyqty salalarynda júzege asyrylýy kerektigin túsinemiz»,-dep toqtaldy Saǵadıev.
Onyń sózine qaraǵanda, ShYU Ýnıversıtetiniń negizgi mıssııasy joǵary bilikti kadrlardy úılestirilgen túrde daıarlaýǵa baǵyttalýy tıis, sondaı-aq bul sharalar ShYU-ǵa múshe memleketter úshin basymdyqty múddeni kózdeıtin mamandyqtar boıynsha kelisilgen bilim berý baǵdarlamalaryna negizdelýi qajet.
Belgili bolǵandaı, búginde ShYU Ýnıversıteti quramyna alty baǵyt boıynsha Qazaqstannyń 14 joǵary oqý orny kirip otyr.
QR Bilim jáne ǵylym mınıstriniń paıymynsha, atalǵan Kelisim ShYU biryńǵaı bilim berý keńistigin nyǵaıtýǵa yqpal etedi. Qatysýshy memleketterdiń bilim berý resýrstaryn ıntegratsııalaýǵa jol ashady.
Aıta keteıik, sımpozıým ShYU Hartııasyna qol qoıylýyna 15 jyl tolýy datasyna arnalyp otyr.