Astanada ShYU-nyń halyqaralyq marafony ótedi
ASTANA. QazAqparat - 27 tamyzda saǵat 07.30-da elordada «EKSPO-2017» Halyqaralyq mamandandyrylǵan kórmesi aıasynda Shanhaı yntymaqtastyq uıymynyń Halyqaralyq marafony jáne Azııadaǵy ózara yqpaldastyq jáne senim sharalary jónindegi keńesiniń otyrysy ótedi, dep habarlaıdy Astana ákimdiginiń baspasóz qyzmeti.
Uıymdastyrýshylardyń pikirinshe, ShYU-nyń astanalyq marafony jáne Azııadaǵy ózara yqpaldastyq jáne senim sharalary jónindegi keńes «EKSPO-2017» Halyqaralyq mamandandyrylǵan kórmesi aıasynda ótetin mańyzdy ári buqaralyq sporttyq-mádenı shara bolmaq.
Jeńilatletıkalyq marafonda birneshe baǵyt usynylatyn bolady: EXPO RUN - 2017 metr, júgirý - 10 shaqyrym, marafon qashyqtyǵy - 42 shaqyrym 195 metr.
Aǵymdaǵy jyly maýsymda Halyqaralyq jeńil atletıka federatsııasynyń ókili marafonnyń júgirý jolyn (trassasyn) sertıfıkattýdan ótkizgen bolatyn. Marafon qalanyń basty kósheleri boıynda ótedi. Sporttyq sharaǵa 5000-ǵa jýyq adam qatysady dep kútilýde, onyń ishinde 1000 sheteldik pen ShYU-na múshe ár elden 30 kásibı sportshy bar. Qazaqstannan atalmysh sharaǵa 4000 adam qatyspaq.
Búginde 500 adam tirkelip úlgergen, 400-ge jýyq adam Qytaı azamattary.
