Astanada ShYU-daǵy esirtki aınalymyna qarsy kúres máselesi talqylandy
ASTANA. QazAqparat - Búgin Astanada ShYU-na múshe-memleketterdiń zańsyz esirtki aınalymyna qarsy kúres jóninde ókilettilik berilgen quzyretti organdar basshylarynyń kezekti Keńesi ótkizildi.
Keńes qazaqstandyq taraptyń tóraǵalyǵymen ótti, dep habarlaıdy QR ІІM baspasóz qyzmeti.
Bul sharaǵa ShYU-na múshe-memleketterdiń zańsyz esirtki aınalymyna qarsy kúres jóninde ókilettilik berilgen quzyretti organdar basshylary qatysty.
Keńes barysynda taraptar dostyq, ári konstrýktıvti jaǵdaıda ShYU múshe-memleketterdiń esirtki ahýaly, sondaı-aq zańsyz esirtki aınalymyna qarsy is-qımyl salasynda jáne ShYU-ǵa múshe-memleketterdiń esirtkige qarsy vedomstvolarynyń ózara praktıkalyq is-qımyl jasasýyn nyǵaıtý týraly pikir almasty.
«Qazir ShYU-ny zamanaýı qaýip-qaterlerge qarsy tıimdi is-qımyl jasaıtyn bedeldi halyqaralyq uıym dep senimmen aıtýǵa bolady, - dep atap ótti Іshki ister mınıstriniń orynbasary Rashıd Jaqypov. - Bul, árıne, bizdiń elmen aradaǵy dástúrli ashyq jáne dostyq qarym-qatynastarǵa negizdelgen yntymaqtastyǵymyzdyń nátıjesi».
ShYU sońǵy 16 jyl aralyǵynda óńirlik qaýipsizdik pen turaqtylyqty qamtamasyz etýdegi mindetterdi qamtamasyz etý, elimizdiń áleýmettik-ekonomıkalyq damýyna yqpal etý jáne izgilik yntymaqtastyqty ilgeriletý maqsatynda úzdiksiz jumys istep keledi.
Qorytyndysynda taraptar esirtki aınalymyn baqylaýdyń halyqaralyq júıesin qoldaý jáne saqtaý qajettiligi, sondaı-aq óńirdegi esirtki ahýalyn jaqsartý úshin naqty sharalar qabyldaý týraly kelisim jasady.
