Astanada ShYU aıasyndaǵy terrorızmge qarsy keńes otyrysy ótedi

ASTANA. QazAqparat – 8 qyrkúıekte Shanhaı yntymaqtastyq uıymynyń Óńirlik terrorızmge qarsy qurylym keńesiniń 40-shy otyrysy ótedi, dep habarlaıdy QazAqparat tilshisi.

«2023 jylǵy 8 qyrkúıekte Astanada Qazaqstannyń tóraǵalyǵymen Shanhaı yntymaqtastyq uıymynyń Óńirlik terrorızmge qarsy qurylym keńesiniń 40-shy otyrysy ótedi.

Otyrys barysynda ShYU-ǵa múshe memleketterdiń qaýipsizdigine qater tóndiretin terrorıstik, separatıstik jáne ekstremıstik uıymdar men toptardyń zańsyz áreketine birlesken is-qımyldy úılestirýge qatysty birqatar máselelerdi talqylaý josparlanýda», - dedi mınıstrliktiń resmı ókili Aıbek Smadııarov.

Onyń aıtýynsha, keńes otyrysynda aqparattyq qaýipsizdik salasyndaǵy yntymaqtastyq máseleleri, aldaǵy is-sharalarǵa daıyndyq barysy qaralady.