Astanada shyrshalardy satý oryndary belgilendi
ASTANA. 28 jeltoqsan. QazAqparat - Astana qalasy ІІD qyzmetkerleri qaraǵaı, shyrsha aǵashtarynyń zańsyz kesilýiniń aldyn alýdy jáne olardyń satylýyn qadaǵalaýǵa aldy, dep habarlady vedomstvonyń baspasóz qyzmetinen.
Elordanyń resmı saıtynyń málimetine qaraǵanda, tabıǵat qorǵaý, jol jáne ýchaskelik polıtsııa ınspektorlary engen jumyldyrý toby qurylyp, olar táýlik boıy reıdtik is-sharalaryn júrgizýde.
Júrgizilgen is-shara kezinde olardyń satylý oryndary men saýda jasaýǵa arnalǵan arnaıy ruqsatynyń barlyǵyna basa nazar aýdarylady.
Saýda oryndary men bazarlar basshylyǵymen jasalǵan kelisimsharttar negizinde qalada olardy satýdyń kelesi oryndarynda ruqsat berilgen: «Vstrecha» SÚ, «Gúljan» SÚ, «Molodejnyı» dúkeni, «Orbıta» SÚ, ortalyq bazar, «Shanhaı», «Charyn», «Saryarqa», «Sálem», «Saıanur», «Etalon», «Qamqor» bazarlary, «Astyqjan» SÚ, «Azat» SÚ. Atalǵan barlyq satýshylarda tıisti qujattar paketi bar.
