Astanada shyrsha saýdalaıtyn bazarlar ashyldy
ASTANA. QazAqparat - Astanada qylqanjapyraqty taldar satylatyn oryndar belgili boldy, dep habarlaıdy Astana ákimdiginiń saıty
Búgingi tańda qylqanjapyraqty aǵashtardy Astanadaǵy «Sálem» ortalyq bazary, (Tilendıev dańǵyly, Alash joly), «Astyqjan» saýda úıi (Beısekov kóshesi), «Alma» saýda úı (Respýblıka dańǵyly), «Gúljan» saýda úıi (Abylaıhan dańǵyly), «Tulpar» saýda úıi (Ýálıhanov kóshesi), «Astyqjan» saýdy úıi (Aqjol kóshesi) mańyndaǵy arnaıy bazarlardan alýǵa bolady.
Aǵash saýdalaýshylardyń barlyǵynda Reseı Federatsııasynan shyrshalar men qaraǵaılardy jetkizýge ruqsat beretin qujattar paketi bar. Astananyń tabıǵatty qorǵaý polıtsııasy qylqanjapyraqty aǵashtardy kesý áreketterin qatań baqylaýda ustap otyr. Bul baǵyttaǵy jumystar ásirese elorda mańyndaǵy jasyl beldeýde erekshe nazarǵa alynǵan.
Osy maqsatta tabıǵat qorǵaý polıtsııasy qyzmetkerlerinen, «Astana Ormany» MKK jáne «Jasyl aımaq» RMK jumyskerlerinen mobıldi toptar jasaqtaldy. «Astana Kógaldandyrý» AQ jumyskerlerimen birlese otyryp qala ishinde ósip turǵan qylqan japyraqty aǵashtar otyrǵyzylǵan oryndar tekserilýde.
ІІD «Rýbej» statsıonarlyq-baqylaý beketterinde kezekshilik júrgiziledi.
QR Qylmystyq kodeksiniń aǵashtar men butalardy zańsyz kesý, joıý nemese zaqymdaý 340-baby boıynsha qylmystyq jaýapkershilik qarastyrylǵan.
