Astanada shyrsha satylatyn oryndar bekitildi
ASTANA. QazAqparat - Elordada Jańa jyl merekesi qarsańynda qylqan japyraqty jas aǵashtardy kesý, ázirleý, tasymaldaý jáne satý áreketteriniń jolyn kesý boıynsha reıdtik sharalar ótkizilýde.
Astananyń aınalasyndaǵy jasyl beldeýdiń aýmaǵynda jáne qalanyń aýmaǵynda zańsyz aǵash kesý áreketteriniń jolyn kesýge erekshe nazar aýdarylǵan, dep habarlaıdy Astana q. ІІD Jergilikti polıtsııa qyzmetiniń tabıǵat qorǵaý polıtsııasy.
Osy maqsatta tabıǵat qorǵaý polıtsııasy qyzmetkerlerinen, «Astana Ormany» MKK jáne «Jasyl aımaq» RMK jumyskerlerinen mobıldi toptar jasaqtaldy. «Astana Kógaldandyrý» AQ jumyskerlerimen birlese otyryp qala ishinde ósip turǵan qylqan japyraqty aǵashtar otyrǵyzylǵan oryndar tekserilýde. ІІD «Rýbej» statsıonarlyq-baqylaý beketterinde kezekshilik júrgiziledi.
QR Qylmystyq kodeksiniń Aǵashtar men butalardy zańsyz kesý, joıý nemese zaqymdaý 340-baby boıynsha qylmystyq jaýapkershilik qarastyrylǵan.
Astanada qylqan japyraqty aǵashtardy satý oryndary belgilendi. Atap aıtqanda, «Sálem» ortalyq bazary (Tilendıev dańǵ., Alash tas joly), «Astyqjan» SÚ (Beısekova k-si), «Alma» SÚ (Respýblıka dańǵ.), «Shanhaı» ámbebap bazary, «Gúljan»SÚ (Abylaı han dańǵ.), «Tulpar» SÚ (Ýálıhanov k-si), «Astyqjan» SÚ (Aqjol k-si). Barlyq satýshylarda RF-dan shyrsha jáne qaraǵaı ákelýge ruqsat beretin qujattar paketi bar.
Reıd sharalary 31 jeltoqsanǵa deıin jalǵasady, dep jazady astana.gov.kz.
