Astanada shyrsha satatyn 13 oryn belgilendi
ASTANA. 20 jeltoqsan. QazAqparat - Elordada jańa jyl merekesine qylqan japyraqty aǵashtar satatyn 13 oryn belgilendi. Bul týraly astana.kz saıtyna qalalyq ІІD baspasóz qyzmetinen habarlady.
Shyrshalardy myna oryndardan satyp alýǵa bolady: Ortalyq bazar, «Astyqjan» SÚ, «Azat» SÚ, «Shanhaı», «Saryarqa», «Sálem», «Saıanur» bazarlary, «Vstrecha», «Ádil», «Orbıta», «Master-haýs» dúkenderiniń aýmaǵynda, «Gúljan» SÚ, «Molodejnyı» dúkeni. Barlyq satýshylarda Reseı Federatsııasynan shyrshalar men qaraǵaı ákelýge qujattar toptamasy bar. Qazirge deıin polıtsııa qyzmetkerleri tyıym salynǵan jerlerde shyrsha satýdyń 11 faktisin anyqtady, ustalǵan azamattar QR ÁQK 165-baby boıynsha ákimshilik jaýapkershilikke tartyldy.
Sondymen qatar astana.kz saıtyna vedomstvodan habarlaǵandaı, 2013 jylǵy 19 jeltoqsannan 2014 jyldyń 3 qańtaryna deıin elorda aýmaǵynda «Pırotehnıka-2013» jedel aldyn alý is-sharasy júrgiziledi.
Astana qalasy ІІD qyzmetkerleri Tótenshe jaǵdaılar departamentiniń qyzmetkerlerimen birlesip, pırotehnıkalyq ónimder men zattardy zańsyz satýdy anyqtaý jáne jolyn kesý boıynsha aldyn alý is-sharalaryn qolǵa aldy. Kóńil kóteretin oryndardyń basshylarymen órtke qarsy qaýipsizdik erejelerin saqtaý jáne pırotehnıkalyq ónimderdi paıdalanýǵa jol bermeý boıynsha túsindirý jumystary júrgizilýde.
Sondaı-aq, qylqan japyraqty aǵashtardy zańsyz kesip alý jáne ony satý jaǵdaılaryna basa nazar aýdarylady. Tabıǵatty qorǵaý, jol-patrýl polıtsııasy jáne ýchaskelik polıtsııa ınspektorlarynan táýlik boıy reıdter júrgizetin arnaıy top quryldy.
