Astanada shynydan áshekeıler jasaıtyn álemdik sheberlerdiń kórmesi ashylady
ASTANA. QazAqparat - 10 maýsym kúni QR Ulttyq mýzeıinde álemge áıgili ıtalııalyq shyny úrleýshi Pıno Sıgnoretto men shynyǵa órnek salatyn sýretshi Svetlana Kosta, amerıkalyq shyny úrleýshi Djordj Spetstsamontı jáne qazaqstandyq kıim dızaıneri, «Neo-folklor» stıliniń negizin qalaýshy Aıdarhan Qalıevtardyń «Eýrazııa kópirleri - dostyq kópirleri» atty halyqaralyq kórmesi ashylady, dep habarlaıdy QazAqparat.
Pıno Sıgnorettony bala kezinen mýran shynysynyń órnekteri arbap alady da, onyń shynydan túrli buıymdardy úrlep jasaý mamandyǵyn tańdaýyna áser etedi. 1959 jyly ol sol kezderdegi ataqty sheberler Lıvıo jáne Andjelo Segýzo, Ermanno Nasonmen birge jumys jasady. Alfredo Barbını onyń ustazy ári tálimgeri boldy. Pıno Sıgnoretto odan ǵasyrlar boıy urpaqtan-urpaqqa beriletin mýran shynysymen jumys jasaý qupııalary men tehnıkalaryn úırendi. Ol altyn medaldardyń, halyqaralyq marapattar men syılyqtardyń ıegeri.
Djordj Spetstsamontı negizi 1965 jyly qalanǵan Albertini & Spezzamonte sheberhanasynyń ókili. Sheberlerdiń jańa býyny búginde áshekeıleý men órnekteýdiń eń ejelgi ádisterin qoldana otyryp, mýran kórkem shynysynan zamanaýı jáne birtýma áshekeıler jasaıdy.
Svetlana Kosta joǵary kórkemsýret bilimin Qazaqstannan jáne Italııadan alǵan. Onyń shyǵarmashylyǵy Qazaqstan mádenıetimen tyǵyz baılanysty. Ol Italııa men Qazaqstan arasyndaǵy birlesken sharalardyń jetekshisi jáne uıymdastyrýshysy. Onyń týyndylary negizinen jeke kollektsııalarda, al Ulttyq mýzeıde «Beıbitshilik qusy» atty tostaǵany saqtaýly.
Aıdarhan Qalıev - «Asyl-Dızaın» sán úıiniń bas dızaıneri, ǵylym kandıdaty, ónertaný dotsenti, 70-ke jýyq ımıdjdik jáne maýsymdyq toptamalardyń avtory. Onyń avtorlyq toptamalary áldeqashan álemdik jáne halyqaralyq forýmdarda Qazaqstannyń «vızıtti kartochkasyna» aınalǵan. Dızaıner toptamalardy jasaǵan kezde kıizdiń, gobelenniń, jibektiń jańa tehnologııasy, sol sııaqty etnostyq áýendegi sýretter syndy zamanaýı ınnovatsııalyq tásildermen jasalǵan dástúrli matalardy paıdalanady.
Kórme jetekshisi Quralaı Sqaqova - sýretshilerdiń 2014-2016 jyldarǵy respýblıkalyq jáne halyqaralyq sımpozıýmdarynyń uıymdastyrýshysy jáne jetekshisi, 2016 jylǵy Astana Bıennalesiniń uıymdastyrý komıtetiniń múshesi.
Kórmeniń ashylýy Aıdarhan Qalıev toptamalarynyń defele jáne Ǵıbrat Shoýdyń óner kórsetilimimen aıaqtalady.
