Astanada Shyńǵys Aımatov týraly jańa kitaptyń tusaýy kesildi

 ASTANA. QazAqparat - QR Ulttyq kitaphanasynda Qyrǵyzstannyń eks-Memlekettik hatshysy, professor Osmanakýn Ibraımovtyń «Aıtmatov. Poslednıı pısatel ımperıı» atty jańa kitaby tanystyryldy, dep habarlaıdy QazAqparat tilshisi.

Jınaqty Halyqaralyq Túrki akademııasy Sh. Aıtmatovtyń 90 jyldyq mereıtoıy qarsańynda shyǵaryp otyr.

"Aıtmatov jylynyń Astanada bastalyp otyrǵany, Ortalyq Azııanyń ishinde alǵash ret Qazaqstanda ótip otyrǵany kezdeısoq emes. Aıtmatovtyń búkil shyǵarmalary qazaq halqymen etene tyǵyz baılanysty. Mysaly, «Jámılá» shyǵarmasynan bastap, «Borandy beketke» deıin jáne taǵy da basqa barlyq shyǵarmalarynda qazaq pen qyrǵyz halqynyń taǵdyry birdeı órilgen", - dedi Halyqaralyq Túrki akademııasynyń prezıdenti Darhan Qydyráli halyqaralyq forým barysynda. 
 

Lenta qııý rásimine kórnekti memleket jáne qoǵam qaıratkerleri, qyrǵyz ben qazaqqa ortaq tulǵalar - Myrzataı Joldasbekov, Ómirbek Báıgeldi, qyrǵyz tarapynan Medethan Sherimqulov pen Bolatbek Shámshıev qatysty. 

«Shyńǵys Aıtmatov álemge tanylǵan zańǵar jazýshy. Onyń shyǵarmalaryndaǵy basty keıipkerler qyrǵyz ben qazaq edi. Ol óz shyǵarmalary arqyly qazaq pen qyrǵyz halqynyń arasyndaǵy baılanysty tereńdete tústi. Ol Qazaqstandy súıetin. Qazaq halqynyń darhan dalasy oǵan shabyt beretin. Ol bıikke umtylatyn. «Borandy beket» kitabynda qazaqtyń ómiri týraly baıandalǵan. Sondyqtan, Shyńǵys Aıtmatov - Qyrǵyzstannyń ǵana emes, Qazaqstannyń da maqtan tutar jazýshysy. Jańa kitabymnyń tusaýy Astanada kesilgenine de qýanyshtymyn. Bul - Shoqan Ýálıhanov, Muhtar Áýezov, Shyńǵys Aıtmatovtar salyp ketken joldyń jalǵasy", - dep jazýshyny eske aldy Osmanakýn Ibraımov. 

Onyń aıtýynsha, bul kitap Máskeýde «Jızn zamechatelnyh lıýdeı» atty serııamen orys tilinde «Molodaıa Gvardııa» baspasynan shyǵady jáne ózge tilderge aýdarylyp jatyr.

Halyqaralyq Túrki akademııasynyń prezıdenti Darhan Qydyráli jazýshynyń 90 jyldyq mereıtoıy aıasynda taǵy birqatar sharalar ótetinin eske saldy. Kelesi aptada ıÝNESKO-da Shyńǵys Aıtmatovtyń 90 jyldyǵy atalyp ótedi. Mereıtoılar Ózbekstanda, Túrkııada jáne basqa da jerlerde jáne eń sońǵy shara Bishkekte jyl sońynda uıymdastyrylady.

Tusaýkeserden keıin halyqaralyq forým kelýshileri qyrǵyz rejısseri Artyqbaı Súıindikovtyń «Aıtmatov» atty derekti fılmin tamashalady.
 

Aıta keteıik, Astanada Shyńǵys Aıtmatovtyń 90 jyldyǵyna arnalǵan «Aıtmatov taǵylymy» atty halyqaralyq forým ótip jatyr. Oǵan Qazaqstan men Qyrǵyzstannyń bedeldi ǵalymdary, kórnekti memleket jáne qoǵam qaıratkeleri qatysýda.