Astanada Shymkenttiń «jedel járdemi» qaıdan júr
ASTANA. QazAqparat - Astana qalasynda 13-shi aımaqtyń memlekettik nómirin taqqan jedel járdem kóliginiń sýreti áleýmettik jelini biraz «shýlatqan» bolatyn.
Jedel járdem shaqyrǵan elorda turǵyndary da Astanada memlekettik nómiri OQO-da tirkelgen jedel járdem qaıdan júrgendigine tańdanys bildirgen edi.
QazAqparat tilshisi mán-jaıdy anyqtady. Ońtústik Qazaqstan oblysyna tıesili jedel járdem kólikterin Astana qalasynyń ákimdigi ýaqytsha jalǵa alǵan eken. Sebebi, tumaý bastalǵan maýsymda elordada jedel járdem kólikteri jetispeıtin kórinedi.
Jedel járdem kólikteriniń Astana ákimdigine jalǵa berilgeni týraly aqparatty Shymkentte ornalasqan «EKO-Bars» JShS rastady.
«EKO-Bars» JShS kompanııasy Astana qalasy ákimdiginiń «Qalalyq medıtsınalyq járdem stantsııasy» memlekettik-kommýnaldyq kásiporny júrgizgen elektrondy portaldaǵy №405018-1 ashyq konkýrsynyń nátıjesine baılanysty, 2016 jyldyń 1 sáýirinde bekitilgen qujatqa sáıkes, Astana qalasyna júrgizýshilermen qosa, avtokólikterdi jalǵa berip keledi»,-dep jaýap berdi kompanııa QazAqparat tilshisiniń saýalyna oraı.
Esterińizge sala keteıik, Astana qalalyq jedel jərdem qyzmetiniń bas dərigeri Saparǵalı Dúısenovtiń habarlaýynsha, qazir qalada 87 jedel járdem brıgadasy jumys isteıdi eken. 2017 jyldyń səýir aıynyń sońyna deıin qalalyq densaýlyq saqtaý basqarmasy jedel jərdem qyzmeti úshin sý jańa 30 kólik satyp almaq. S.Dúısenovtiń aıtýynsha, qazir jedel jərdemge tıesili kólikterdiń 54 paıyzy tozǵan. Taǵy 20 kólik únemi jóndeýdi qajet etip otyrady.
