Astanada Shyǵystyń qaıta órleýindegi trendter talqylanýda
ASTANA. QazAqparat - Astanada L.N. Gýmılev atyndaǵy Eýrazııa ulttyq ýnıversıtetinde alǵash ret «Shyǵystyń qaıta órleýindegi zamanaýı trendteri» atty úshaımaqtyq: Ortalyq Azııa, Ońtústik Azııa jáne Taıaý Shyǵysty zertteý taqyrybynda halyqaralyq ǵylymı konferentsııa ótýde, dep habarlaıdy QazAqparat.
Eki kúnge sozylatyn halyqaralyq shara ýnıversıtette jýyrda ǵana ashylǵan Halyqaralyq qatynastar fakýltetindegi Ortalyq Azııa, Ońtústik Azııa jáne Taıaý Shyǵysty strategııalyq zertteý ortalyǵynda ótkizilýde.
Konferentsııaǵa AQSh, Reseı, Úndistan, Pákistan, Qazaqstan, Ózbekstan, t.b. elderdegi aımaqtardyń óńirlik zertteý salasynda jumys isteıtin 60-tan astam ǵalymdar qatysyp jatyr. Olardyń ishinde Grıgorıı Glısson (AQSh), Svetlana Kojırova (Qazaqstan), Shýaıb Bahman (Iran), Baqtııar Ergashev (Ózbekstan), Irfan Shahzad (Pákistan), Pradıp Dhakal (Nepal), Ramakrýshna Pradhan (Úndistan), Marına Lapenko (Reseı), Zafar Halıev (Ózbekstan) jáne taǵy basqa ǵylymǵa eńbegi sińgen belgili tulǵalar bar.
Sondaı-aq sharanyń plenarlyq otyrysyna OBSE tirkeý baǵdarlamasynyń Astanadaǵy basshysynyń orynbasary Dıano Dıgol, Iran, Pákistan, Palestına, Irak, Úndistan elderiniń Qazaqstan Respýblıkasyndaǵy Tótenshe jáne Ókiletti elshileri qatysady.
Konferentsııada aımaqtyq ózara is-qımyl, óńirlik memleketterdiń syrtqy saıasaty, qaýipsizdigi, ekonomıkasy men mádenıetindegi ózekti máseleler talqylanady.
Uıymdastyrýshylardyń aıtýynsha, halyqaralyq jıyn barysynda kitap kórmesi uıymdastyrylyp, ırandyq mınıatıýralar kórsetilý kózdelgen.
