Astanada shybyn-shirkeıdi ýlaý jumystarynyń ekinshi kezeńi bastaldy
NUR-SULTAN. QazAqparat - Astanada shybyn-shirkeıge qarsy dezınsektsııalaýdyń 2 kezeńi bastaldy, dep habarlaıdy QazAqparat.
«Elorda men qalamańynda masa men shybyn-shirkeıdiń ushatyn túrlerine qarsy dezınsektsııa jumystarynyń 2 kezeńi bastaldy. Ashyq sý qoımalaryn jáne qalanyń kóshelerin óńdeý boıynsha jumys bir mezgilde qalanyń barlyq aýdandarynda qolǵa alynady, bul shybyn-shirkeılerdiń basqa aýmaqqa ushyp ketýine jol bermeıdi», dep jazdy qala ákiminiń orynbasary Erlan Kanalımov Facebook-tegi paraqshasynda.
Dezınsektsııa jáne deratızatsııa jumystaryna «Saryarqa», «Esil», «Baıqońyr» jáne «Almaty» aýdandarynan árqaısysynan 3 brıgadadan jumyldyrylǵan. Olar termogenereator, rotorly búrkikkish jáne basqa da arnaıy tehnıkalarmen jabdyqtalǵan. Óńdeý jumystaryn brıgadır, bıolog, dezınfektsııalaýshy maman sekildi 100-den astam adam júzege asyrady.
«Saryarqa» aýdanynda dezınsektsııa jumystary Jeńis dańǵyly-Bógenbaı dańǵyly-Respýblıka kóshesi-Esil ózeniniń jaǵasy alańdary aýmaqtarynda júrgiziledi.
«Baıqońyr» aýdanynda: - Jastar shaǵyn aýdany tusy, Otyrar, A.Imanov, Baraev, Kravtsov, J.Táshenov, Jánibek Tarhan - Taha Hýseın kósheleri, Aqbulaq jáne Esil ózenderi mańy, Atatúrik saıabaǵynda júrgiziledi.
«Esil» aýdanynda - Qabanbaı dańǵylyna baratyn Esil ózeniniń jaǵasyndaǵy kópir, «Saryarqa» kópirinen jáne Beısekov kóshesine deıin.
«Almaty» aýdanynda - Aqbulaq aýdany, Táýelsizdik kóshesi, B.Momyshuly dańǵyly, R.Qoshqarbaev dańǵyly sharshy alańynda jáne Esil ózeni boıynda júrgiziledi.
Eske sala ketsek, Nur-Sultanda dezınsektsııa jáne deratızatsııa jumystaryn júrgizýdiń birinshi kezeńi mamyr aıynyń basynda ótken bolatyn.
