Astanada Shvetsııanyń jańa elshisi taǵaıyndaldy
ASTANA. QazAqparat - Búgin, 20 qazanda QR Shvetsııanyń jańa elshisi Mats Foıer (Mats Foyer) QR Syrtqy ister mınıstriniń orynbasary Roman Vasılenkoǵa senim gramotalarynyń kóshirmelerin tabystady.
Bul týraly QazAqparat Welcome Nordic saıtyna silteme jasap habarlaıdy.
Buǵan deıin 13 shildede Shvetsııa Úkimeti Mats Foıerdi Astanadaǵy Shvetsııa Koroldigi ókildiginiń basshysy etip taǵaıyndaǵan bolatyn.
Mats Foıer Shvetsııa Syrtqy ister mınıstrliginiń halyqaralyq saýda saıasaty jáne EO ishki naryǵy bóliminde jumys istegen jáne 19 qazan kúni Astanadaǵy Shvetsııa elshisi qyzmetine kiristi.
Mats Olof Foıer Stokgolm ýnıversıtetiniń quqyq jáne gýmanıtarlyq ǵylymdar bakalavry dárejesine ıe. Shved, aǵylshyn, frantsýz jáne orys tilderinde sóıleıdi.
Atap ótken jón, bıyl Qazaqstan men Shvetsııa arasyndaǵy dıplomatııalyq qarym-qatynastyń ornaǵanyna 25 jyl toldy. Astanadaǵy Shvetsııa elshiligi - 2010 jyly, Stokgolmdegi Qazaqstan elshiligi 2013 jyly ashylǵan.
2008 jyldan beri Almatyda shved bıznesiniń múddesin qorǵaıtyn Business Sweden uıymy jumys isteıdi. Al tutas Qazaqstan boıynsha 30-ǵa jýyq shved kompanııalary jumys isteıdi.
Odan bólek, Scandinavian Council kommertsııalyq emes uıymy eki el arasyndaǵy mádenı baılanysty nyǵaıtýmen aınalysady.
