Astanada shuǵyl medıtsınalyq ortalyq iske qosylady
ASTANA. KAZINFORM – QR Densaýlyq saqtaý mınıstrine 200 tósekke eseptelgen Ulttyq shuǵyl medıtsınany úılestirý ortalyǵynyń jańa kópbeıindi aýrýhanasy usynyldy, mınıstrliktiń baspasóz qyzmeti.
Joba shuǵyl medıtsına, ınsýlt problemalary, kúrdeli akýsherlik, polıjaraqat jáne transplantologııa boıynsha 5 respýblıkalyq úılestirý ortalyǵyn qurýdy kózdeıdi.
Sonymen qatar 27 beıini bar 7 klınıkalyq ortalyqty, onyń ishinde akýsherlik ortalyǵy, neıroortalyqty, kardıoortalyqty, polıjaraqat ortalyǵyn, ishki aýrýlar ortalyǵyn, hırýrgııa ortalyǵyn jáne septıkalyq hırýrgııa ortalyǵyn qurý josparlanyp otyr.
Jańa aýrýhana elimizdiń azamattaryna medıtsınalyq saraptama men densaýlyq saqtaýdyń naǵyz ortalyǵyna aınalady.
Astana qalasynda kópbeıindi aýrýhana salý jónindegi jobany iske asyrý – Qazaqstan densaýlyq saqtaýdy damytýdaǵy mańyzdy qadam. Bul medıtsınalyq kómektiń sapasyn edáýir jaqsartýǵa múmkindik beredi, halyqtyń barlyq toby úshin medıtsınalyq qyzmetterdiń qoljetimdiligi men tıimdiligin qamtamasyz etedi.