Astanada Shýberttiń úzdik ánderi áýeleıdi
ASTANA. QazAqparat - «Astana Opera» mýzykadaǵy Romantızm stıliniń negizin qalaýshy - Frants Shýberttiń týǵanyna 220 jyl tolýyn atap ótpek.
«Mýzyka jáne onyń shyǵarýshylary týraly» tsıklinen alynǵan «Keshki serenada» kontserti 21 maýsym kúni teatrdyń Kameralyq zalynda ótedi, dep habarlaıdy QazAqparat.
F.Shýberttiń týyndylaryn tanymal soprano-ánshi, Qazaqstannyń eńbek sińirgen qaıratkeri Aıgúl Nııazova, sırek kezdesetin kontratenor daýys ıesi Batyrjan Smaqov, sonymen qatar talantty aspapshy mýzykanttar - Qazaqstannyń eńbek sińirgen ártisi Maqpal Bekmaǵambetova (skrıpka), Nyǵmetolla Kárimov (alt), Asqar Muqanov (vıolonchel), Anatolıı ıAkýshkın (kontrabas), Raýshan Beskempirova, Saltanat Aqbasova (fortepıano) oryndaıtyn bolady.
F.Shýberttiń shyǵarmashylyǵynda mańyzdy oryn alǵan tanymal týyndysy - nemis aqyny Lıýdvıg Relshtabtyń óleńine jazylǵan «Aqqý áni» jınaǵynan «Serenada» týyndysy, «Urshyqtyń janyndaǵy Grethen» áni, grafınıa S. Vaısenvolfke arnalǵan Valter Skottyń «Sý perisi» poemasynan Ellenniń úsh áni shyrqalatyn bolady. «Ave Maria Shýberta» úshinshi áni de keńinen tanymal. Onda poema keıipkeri Ellen Dýglas Deva Marııaǵa ǵıbadat jasap, duǵa qylady.
Osy keshte tyńdarmandarǵa avstrııalyq klassıktiń basqa da týyndylary usynylady, atap aıtqanda, vıolonchel men fortepıanoǵa arnalǵan a-moll «Arpedjıone» sonatasy oryndalady.
