Astanada short-trekten erler men áıelder arasyndaǵy Qazaqstannyń ashyq chempıonaty bastaldy

Chempıonat 7-nshi Qysqy Azııa oıyndaryna qatystyrylatyn jańadan salynǵan Respýblıkalyq velotrekti synaqtan ótkizý jáne oıyndarǵa sportshylardy irikteý maqsatynda uıymdastyrylyp otyr.

«Ústimizdegi jyly qazaqstandyq sportshylar Kanadada ótken Álem kýbogynda 11, 13 jáne 14-oryndardy ıelenip, úmit kúttirerlikteı nátıjelerdi kórsetti. Sondyqtan, short-trekten qurama komandamyz 7-nshi Qysqy Azııa oıyndarynda júldeli oryndarǵa talasa alatyndyǵyna senim bar», - deıdi short-trekten Qazaqstannyń Ulttyq quramasynyń bas jattyqtyrýshysy Mádiǵalı Qarsybekov.

Short-trek boıynsha QR Ashyq chempıonatyna respýblıkanyń barlyq oblystary men «Armııanyń ortalyq sport klýbynan» barlyǵy 70-ke jýyq sportshy qatysady. Ulttyq quramanyń negizin Batys Qazaqstan men Qostanaı oblystarynyń sportshylary quraıdy.

Eske salaıyq, Azııa oıyndaryn ótkizý kezinde Respýblıkalyq velotrekke uzaqqa júgirýge arnalǵan muzaıdyny men ýaqytsha muz korty ornatylady. Atalmysh keshende short-trek jáne mánerlep syrǵanaý boıynsha jarystar ótedi.