Astanada shokoladtan jasalǵan buıymdar kórmesi ótedi
ASTANA. QazAqparat - 18 naýryzda álemdik týr aıasynda elordada «Nikolya» shokolad mýzeıi» tanymal avtorlyq kórmesiniń ashylýy ótedi. Qala turǵyndary men qonaqtary shokolad tarıhymen jáne tanymal sheber-shokolate Nıkolaı Popovtyń shokoladtan jasalǵan zattarymen tanysyp, óz qoldarymen shokoladtan túrli biregeı zattar jasaý múmkindigine ıe bolady.
Áıgili kórme álemniń 40-tan astam qalasynda bolyp, ony jarty mıllıonǵa jýyq adam tamashalaǵan.
Astanada óte joǵary sapadaǵy shokoladtan jasalǵan 300 astam óner týyndysy kópshilik nazaryna usynylady. Jalpy salmaǵy 700 kg artyq shokolad pen martsıpan músinder, shokolad bagettermen jıektelgen kartınalar, shokolad mınıatıýralar, ınstallıatsııalar, kompozıtsııalar jáne t.b. buıymdar bolady.
Basty erekshelik - Qazaqstanǵa, sonyń ishinde Astanaǵa arnalǵan shokolad zattardyń arnaıy serııasy jasalady.
Kórmede sheberdiń biregeı tehnologııasymen oryndalǵan eksklıýzıvti shokolad kádesyılar satyp alýǵa bolady. Sondaı-aq, kelýshiler sheberlik dáristerine qatysyp, óz qolymen tátti-dámdiler ázirleýdi úırenedi. Shokolad tarıhy týraly qyzyqty fılm kórsetiledi. Kórme Táýelsizdik saraıynda ótedi.
