Astanada ShQO jáne Abaı oblystarynyń aýylsharýashylyq jármeńkesi ótedi

ASTANA. QazAqparat - 1 jáne 2 qazanda elordada kezekti aýylsharýashylyq jármeńkesi ótedi. Bul joly Astanada Shyǵys Qazaqstan jáne Abaı oblystarynyń taýar óndirýshileri óz ónimderin usynady, dep habarlaıdy QazAqparat.

Qala ákimdiginiń resmı saıtynda málim etilgendeı, elorda turǵyndary men qonaqtaryna joǵary sapaly ekologııalyq taza ónimder usynylatyn bolady. Ónim assortımentiniń jalpy kólemi 282 tonnany quraıtyn.

Onyń ishinde: 91 tonna kartop pen kókónis, 59,9 tonna bal, 48,8 tonna et, 17 tonna kúnbaǵys maıy, 13 tonna baqsha daqyldary, 8 tonna sút ónimderi, 7,5 tonna balyq ónimderi, 5 tonna qus eti, 5 tonnadan astam qymyz ben panty ónimderi, 4 tonna ulttyq taǵamdar jáne 3 tonna shujyq ónimderi.

«Barlyq ónimder sanıtarlyq-epıdemıologııalyq talaptarǵa sáıkes keledi jáne satýshylarda ónimderdiń shyǵý tegin, sapasy men qaýipsizdigin rastaıtyn qujattar bolady», - delingen ákimdik habarlamasynda.

Ónimder naryq baǵasynan 10-20% arzanǵa satylady.

Eske salaıyq, jármeńkeler ár senbi-jeksenbide ótip keledi jáne 30 qazanǵa deıin jalǵasady. Ótetin orny: «Astana-Arena» stadıony janyndaǵy alań.

Kelesi ónimdi 8-9 qazan kúnderi Soltústik Qazaqstan jáne Aqtóbe oblystarynyń kásipkerleri usynady.