Astanada ShYU Syrtqy ister mınıstrleri keńesiniń otyrysy ótedi
ASTANA. KAZINFORM - Búgin Astanada qazaqstandyq taraptyń tóraǵalyǵymen Shanhaı yntymaqtastyq uıymynyń Syrtqy ister mınıstrleri keńesiniń kezekti otyrysy ótedi, dep habarlaıdy QR SІM baspasóz qyzmeti.
Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý ShYU SІMK-ne qatysatyn delegatsııa basshylaryn qarsy aldy.
Birlesken otyrys barysynda delegatsııa basshylary ShYU aıasyndaǵy saıası, saýda-ekonomıkalyq jáne mádenı-gýmanıtarlyq salalardaǵy halyqaralyq jáne óńirlik ahýal, qaýipsizdik jáne yntymaqtastyqty damytý máseleleri boıynsha pikir almasady.
Iran syrtqy ister mınıstriniń orynbasary Mehdı Safarıdi qarsy alý barysynda Qazaqstan Syrtqy ister mınıstri Murat Nurtileý Irannyń joǵary laýazymdy tulǵalarynyń qaıtys bolýyna baılanysty kóńil aıtty.
Eske salsaq, 19 mamyr kúni Shyǵys Ázerbaıjannyń Varzakan aımaǵyndaǵy Tebrız qalasyna ushyp bara jatyp apatqa ushyraǵan Iran Islam Respýblıkasynyń segizinshi prezıdenti Aıatolla Seıed Ibrahım Raısı qasyndaǵy resmı tulǵalarmen birge kóz jumdy. Tikushaq bortynda eldiń syrtqy ister mınıstri Hoseın Amır-Abdollahııanmen qatar ózge de sheneýnikter bolǵan.
