Astanada ShYU elderiniń energetıka mınıstrleri kezdesedi
ASTANA. KAZINFORM – Syrtyq ister mınıstrliginiń resmı ókili Aıbek Smadııarov vedomstvonyń baspasóz máslıhatynda Astanada Shanhaı yntymaqtastyq uıymyna múshe elder mınıstrleriniń birneshe kezdesýi ótetinin aıtty.
«21 maýsymda Astanada Shanhaı yntymaqtastyq uıymyna múshe memleketteriniń Energetıka mınıstrleriniń kezdesýi ótedi. Energetıka vedomstvolarynyń basshylary Qazaqstannyń bastamasymen ázirlengen ShYU-ǵa múshe memleketterdiń yntymaqtastyǵyn damytýdyń 2030 jylǵa deıingi kezeńge arnalǵan strategııasyn qarastyryp bekitedi», - dedi mınıstrliktiń resmı ókili.
Onyń aıtýynsha, kezdesý aıasynda delegatsııa basshylary energetıkalyq yntymaqtastyqty ShYU formatynda damytýdyń strategııalyq tásilderin talqylaıdy.
Sondaı-aq, Aıbek Smadııarov 20 maýsymda ShYU-ǵa múshe memleketterdiń ǵylym jáne tehnıka vedomstvolary basshylarynyń, Kólik mınıstrleriniń onlaın beınekonferentsııa formatyndaǵy kezdesýleri ótkiziletinin aıtty. Bul eki is-shara da Qazaqstan bastamasymen uıymdastyrylmaq.
