Astanada shyrsha shamyn jaǵatyn kezde «Astana Arena» mańynda qozǵalys shekteledi
ASTANA. KAZINFORM – Astananyń barlyq alty aýdanynda 19 jeltoqsan kúni bir ýaqytta 40-tan astam jańa jyl shyrshasynyń shamy jaǵylmaq. Osyǵan baılanysty turǵyndar men qala qonaqtary úshin kontsertter men merekelik sharalar uıymdastyrylady, dep jazdy qala ákimdiginiń resmı saıty.
Qaýipsizdikti qamtamasyz etý jáne kelýshiler úshin qolaıly jaǵdaı jasaý maqsatynda is-sharalar ótetin ýaqytta «Astana Arena» stadıonynyń mańynda kólik qozǵalysyna ýaqytsha shekteý engiziledi. Shekteýler «Alaý» muz saraıy jaǵyndaǵy kóshe men «Astana Arena» stadıonynyń shyǵys jaǵyndaǵy kóshege qatysty bolady.
Qozǵalys shekteýleri shyrsha shamyn jaǵý bastalǵanǵa birneshe saǵat buryn kúshine enedi jáne barlyq merekelik is-shara aıaqtalǵan soń alynady.
Júrgizýshiler aldyn ala júrý baǵytyn josparlaýy jáne jol qozǵalysynyń uıymdastyrylýyndaǵy ózgeristerdi eskerýi qajet.
Aıta keteıik, Almatynyń barlyq aýdanynda jańa jyldyq shyrshanyń shamy bir ýaqytta jaǵyldy.
SQO-da shyrsha satýshylar baqylaýǵa alyndy.
