Astanada shirkeýden aqsha urlaǵan adam ustaldy
NUR-SULTAN. QazAqparat - Shirkeý seıfinen aqshany qoldy qylǵan kúdikti kóp uzamaıustaldy, dep habarlaıdy QazAqparat Elorda Infoǵa silteme jasap.
«Polıtsııa shirkeý seıfinen aqsha urlaǵan kúdiktini ustady. Kúdikti beınebaqylaý kómegimen aýlanyń birinen qolǵa tústi. 29 jasar Aqmola oblysynyń turǵyny buryn isti bolǵan», - delingen polıtsııa departamentińniń habarlamasynda.
Tekserý barysynda anyqtalǵandaı er adam túnde shirkeýdiń esigin syndyryp kirip, seıftegi aqshany qoldy qylǵan.
«Kúdikti óz isin moıyndady jáne seıf aqshasymen birge keri qaıtaryldy», - dep málimdeıdi PD.
Kúdikti ýaqytsha ustaý ızolıatoryna qamaldy jáne QR QK-niń 188-babyna sáıkes tergeý júrgizilip jatyr. Sondaı-aq, ustalǵan azamattyń buryn jasalǵan basqa qylmystarǵa qatystylyǵy tekserilýde.
