Astanada Shyńǵys Aıtmatov kóshesiniń bir bóligi 29 tamyzǵa deıin jabylady
ASTANA. KAZINFORM — Elordadaǵy J. Moldaǵalıev kóshesinen Syǵanak kóshesine deıingi ýchaskede Sh. Aıtmatov kóshesinde tóseminiń joǵarǵy qabatyn salý jumystary júrgizilýine baılanysty, ishinara jabylatyn bolady. Bul Astana qalasynyń ákimdigi málim etti.
Tamyzdyń 25 men 29 tamyz aralyǵynda atalǵan ýchaskedegi qozǵalys ishinara jabylady. Bul rette avtokólik quraldarynyń qozǵalysy joldyń bir jaǵymen uıymdastyrylady.
— Júrgizýshiler men jaıaý júrginshilerden óz baǵyttaryn aldyn ala josparlap, qozǵalysty uıymdastyrýda múmkin bolatyn ózgeristerdi eskerýlerińizdi suraımyz. Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady, — delingen habarlamada.
Eske sala keteıik, Astanada 25-29 tamyz aralyǵynda Arqar kópiri (M1) arqyly avtokólik qozǵalysy ishinara shekteledi.
