Astanada shildeniń 4-inen 8-ine deıin Táýelsizdik dańǵyly jol teliminde kólik qozǵalysy toqtatylady
ASTANA. 29 maýsym. QazAqparat - Astana qalasynyń 15 jyldyǵyna arnalǵan merekelik is-sharalar ótkizýine baılanysty 4 shildede 15.00-den 8 shildege deıin Táýelsizdik dańǵylynda Baıtursynov kóshesinen Jumeken Nájimedenov kóshesine deıin kólik qozǵalysy shekteledi. Bul týraly astana.kz saıtyna qalalyq Jol polıtsııasy basqarmasynan málim etti.
Joldyń jabylýy belgilengen merekelik is-sharalar kestesine sáıkes sahnalardy quryp, daıyndyq jumystaryn júrgizýge baılanysty bolýda.
Kólik quraldary, onyń ishinde qoǵamdyq kólikter qozǵalysyn retteý maqsatynda jol polıtsııasy júris baǵytyn aldyn ala josparlap, qozǵalys shektelgen jol telimin kelesi baǵdarda aınalyp ótýdi usynady.:
- soltústik-batys baǵytynda qozǵalǵan kólik úshin Táýelsizdik dańǵyly - solǵa Baıtursynov kóshesine burylý - ońǵa Obaǵan kóshesine burylý - odan ońǵa Jumeken Nájimedenov kóshesine burylý - solǵa Táýelsizdik dańǵylyna - ońǵa Shámshi Qaldaıaqov kóshesine burylý;
- ońtústik-shyǵys baǵytynda qozǵalǵan kólik quraly úshin - Shámshi Qaldaıaqov kóshesine burylyp - odan solǵa Táýelsizdik dańǵylyna - ońǵa Jumeken Nájimedenov kóshesine burylý - solǵa Obaǵan kóshesine - solǵa Baıtursynov kóshesine - ońǵa Táýelsizdik dańǵylyna burylý.
«Qazaq Eli» alańyndaǵy merekelik is-sharalarǵa qatysýshylar men kelýshilerdiń kólik quraldaryn qoıý turaǵy «Haziret Sultan» meshiti aımaǵynda júzege asyrylady. «Beıbitshilik pen kelisim saraıy» aýmaǵyndaǵy avtoturaqqa Baıtursynov jáne J. Nájimedenov kóshesi jaǵynan, al Obaǵan kóshesinen Saryjol kóshesine deıingi aýmaqtaǵy kólik turaǵyna Baıtursynov kóshesi jaǵynan kelýge bolady.
