Astanada «SheıhQazInvest» qurylys kompanııasynyń basshylary sottaldy

ASTANA. QazAqparat - «SheıhQazInvest» JShS qurylys kompanııasynyń basshylary «Haziret» TK úleskerleriniń qarajatyn ıemdenip alǵany úshin 8 jáne 9 jylǵa bas bostandyǵynan aıyrý jazasyna kesildi.

Astana qalasynyń №2 Saryarqa aýdandyq soty QR QK-niń 190-babynyń 4-bólimindegi 2-tarmaqshasymen aıyptalyp otyrǵan O.Shnaıder, Ch.Saıdov jáne R.Bagaevqa qatysty qylmystyq isti qarady.

«Sot sottalýshylardyń asa iri kólemde alaıaqtyq jasaǵanyn anyqtady, dálirek aıtqanda, aldaý jáne senimge kirý jolymen «Haziret» TK salý úshin úleskerlerdiń aqshalaı qarajatyn ıemdenip alǵan», - delingen Astana qalalyq sotynyń baspasóz qyzmetinen.

Sot úkimi zańdy kúshine engen joq.

Buǵan deıin habarlanǵandaı, qurylys kompanııasynyń basshylary úleskerlerden jarty mıllıardtan astam teńge jınap alǵan, olardyń áreketterinen 80-ge jýyq adam zardap shekti.