Astanada sheteldikti tonaǵan jalǵan polıtseı ustaldy
ASTANA. QazAqparat - 22 naýryzda elordalyq polıtseıler jedel izdestirý sharalarynyń barysynda Astana qalalyq Іshki ister departamentiniń ýaqytsha ustaý ızolıatoryna 31 jastaǵy T. degen azamatty ustap, qamaýǵa aldy, dep habarlady «QazAqparat» HAA tilshisi departamenttiń baspasóz qyzmetine silteme jasap.
Ustalǵan azamat ózin polıtsııa qyzmetkerimin dep tanystyryp, ákimshilik jaýapkershilikke tartamyn degen jeleýmen qala bazarlarynyń birinde jumys isteıtin Ózbekstan azamatynyń aqshasyn ashyq túrde tartyp alǵan, dedi ІІD qyzmetkerleri. Jedel sharalar barysynda kúdiktiden polıtseıdiń kıimi tárkilendi.
Bul fakti QR QK 191-baby boıynsha Biryńǵaı sotaldy tergeý tizilimine tirkeldi.
«Qazirgi ýaqytta polıtsııaǵa eki azamat shaǵymmen júgindi. Osy azamattyń zańǵa qaıshy áreketterinen zardap shekken adamdar bolsa, Almaty aýdany ІІB-ǵa 8(7172) 716784, +77025151881» telefondaryna habarlasýdy suraımyz», - delingen habarlamada.
