Astanada sheteldik kólik júrgizýshileri tarapynan ótken 9 aıdyń ishinde 26 myńnan astam jol júrý erejesi buzylǵan - ІІD ÁPB
ASTANA. QazAqparat - Astanalyq polıtseıler qalaǵa keletin sheteldik kólikterge tekserýdi kúsheıtti. Bul sheteldik júrgizýshiler tarapynan jıi oryn alatyn jol-kólik apattarynyń aldyn alyp, qoǵam qaýipsizdigin saqtaýǵa baǵyttalǵan shara, dep habarlady astana.kz.
«ІІM kórsetkishterine sáıkes, shetelden kelgen azamattar tarapynan ótken 9 aıdyń ishinde 26 myńnan astam jol júrý erejesi buzylǵan», - dedi Astana qalasy ІІD ÁPB ınspektory Qýanysh Erkinov
Іs-sharaǵa 500 astam jol-patrýldik polıtsııasynyń, kóshi-qon polıtsııasynyń, kedendik baqylaý qurylymdarynyń qyzmetkerleri jumyldyrylǵan. Sońǵy 9 aıda sheteldik júrgizýshiler 28 jol-kólik oqıǵasyna sebep bolyp, 28 adam qaıtys bolyp, 58 adam túrli dene jaraqatyn alǵan. Qýanysh Erkinovtyń aıtýynsha, Kóshi-qon polıtsııasy qyzmetkerleri shetelden kelgen azamattardyń zańdy tirkeýleri bolmasa, qandaı da zań buzýshylyqtar anyqtalatyn bolsa, onda zańǵa sáıkes el aýmaǵynan shyǵaryp jiberýge deıin sharalar qoldanylady. Astanaǵa RF men Qyrǵyzstannan kelýshiler kóp eken. Shara barysynda jolaýshy men júk tasymaldaıtyn sheteldik júrgizýshilerdiń qujattary tekserildi.
