Astanada sheteldik azamatty tonaǵandar Ombyda ustaldy
ASTANA. Qarashanyń 27-si. QazAqparat /Rýslan Ǵabbasov/ - Astanada sheteldik azamatty tonaǵan qaraqshylar Ombyda ustaldy. Bul týraly búgin aptalyq brıfıngte Іshki ister mınıstrligi Til saıasaty jáne aqparat departamentiniń bastyǵy Qýanyshbek Jumanov málim etti.
«Reseıdiń Omby qalasynda krımınaldyq mılıtsııa qyzmetkerleri Astananyń polıtseılerimen birlesip, tamyzda sheteldik azamatty tonaǵan qalanyń eki turǵynyn ustady»,-dedi departament bastyǵy. Kúdiktiler Shubar kentinde Túrkııa azamatynyń «Leksýs» avtokóligin urlap, boı tasalaǵan bolatyn. Qazirgi kezde atalǵan kólik ıesine qaıtaryldy. Al ustalǵandar Ombynyń tergeý ızolıatoryna qamaýǵa alynǵan. Qazirgi kezde olardy ekstradıtsııalaý máselesi sheshilýde.
