Astanada sheteldik azamat lıftidegi monıtordy syndyryp ketken
ASTANA. QazAqparat - Astanada shet eldiń azamaty turǵyn úıleriniń birine kirip, kireberis pen lıftini lastap, beınekamerasy bar monıtordy buzyp ketken. Bul týraly Saryarqa aýdanynyń ákimi Arman Turlybek Feısbýktegi paraqshasynda habarlady.
«Myna buzaqy bizdiń aýdannyń turǵyn úıleriniń birine kirip, kireberis pen lıftini lastap, beınekamerasy bar monıtordy buzyp ketken! Eger kamerany syndyrsańyz, bul sizdi túsirmeı jatyr degen sóz emes! Bundaı áreket jazasyz qalmaıtynyn keıbir adamdar qashan túsiner eken? Qazirgi kezde qalada, joldarda bolsyn, úıler men kireberisterde bolsyn, dúkenderde de qanshama beınekameralar ornatylǵan, sondyqtan buzaqylardy tabý óte ońaı» dep jazady ákim.
Sondaı-aq, aýdan basshysy tekserý barysynda buzaqy bizdiń elimizdiń azamaty emes ekeni anyqtalǵanyn málim etti. Qazirgi ýaqytta ol ızolıatorǵa qamalǵan, odan ári deportatsııalanatyn bolady.
