Astanada sheteldegi qandastar arasynda óner baıqaýy ótedi

ASTANA. QazAqparat - QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń uıymdastyrýymen qazan aıynyń 29-30 juldyzynda «Qazaq handyǵynyń 550 jyldyǵyna» arnalǵan shetelde turatyn otandastardyń qatysýymen halyqaralyq óner festıvaliniń aıasynda jyr músháırasy, termeshiler saıysy jáne sýret kórmesi ótedi.

Baıqaýdyń maqsaty: Qazaq handyǵynyń 550 jyldyǵyn merekeleýdiń máni men búgingi tańdaǵy tarıhı mańyzyn ashý; Jastardy qazaqstandyq patrıotızmge, otansúıgishtikke tárbıeleý; El men jerdiń tarıhyna qurmet sezimin qalyptastyrý; Óskeleń urpaqtyń boıyna ulttyq rýhty sińirý; Qazaq halqynyń mádenıeti men saltyn nasıhattaý; «Máńgilik el» ulttyq ıdeıasyn nasıhattaý; Sheteldegi daryndy qazaq jastarynyń shyǵarmashylyǵyn nasıhattaý.

Qatysýshylardyń jas mólsheri 20-35 jas aralyǵynda bolýǵa tıis. Músháıra, terme jáne kórme saıystaryna qatysýshy shetelde turatyn otandasymyz bolýy shart. Sondaı-aq, avtordyń músháıraǵa jáne kórmege joldaǵan shyǵarmasy buryn esh jerde jarııalanbaǵan bolýy kerek.

Músháıra talaptary:

Birinshi óleń - Qazaq handyǵynyń tarıhy, tarıhı tulǵalar beınesi, eldik máseleler taqyrybynda bolýy kerek.

Ekinshi óleń - sheteldegi qandastar taǵdyry men kóshi-qon týraly bolýy tıis.

Úshinshi óleń - erkin taqyryptaǵy óleń, úsh óleńge de 3-5 mınýt ýaqyt beriledi jáne úsh óleńde joǵaryda kórsetilgen taqyryptar qamtylýy mindetti.

Terme saıysy talaptary:

1 terme - eldikke shaqyratyn, birlikke bastaıtyn, ultjandylyq baǵyttaǵy termeden bir týyndy oryndaý (3-5 mınýt);

2 terme - erkin taqyrypta terme oryndaý (3-5 mınýt).

Kórme talaptary:

1 taqyryp boıynsha keskindeme kólemi 100*150 sm.-den kem nemese artyq bolmaýy tıis (Materıaldary: maıly boıaý, gýash, akvarel, kenep, karton, aq qaǵaz).

2 taqyryp boıynsha grafıkalyq shyǵarma kólemi 40*90 sm. (Materıaldary: ofort, lınogravıýra, lıtografııa, t.b.) kórkemdik deńgeıi talapqa saı, taqyrypqa meılinshe laıyq bolýy tıis.

Árbir avtordyń kórkem shyǵarmasy talapqa saı bezendirilip (baget), sany 5-7 danadan aspaýy kerek.

Jeńimpazdardy marapattaý ár saıys boıynsha

«Bas júlde» - bireý - 200 000 (eki júz myń) teńge;

І oryn - ekeý - 150 000 (júz elý myń) teńgeden;

ІІ oryn - ekeý - 120 000 (júz jıyrma myń) teńgeden;

ІІІ oryn - ekeý - 80 000 (seksen myń) teńgeden;

Yntalandyrý syılyǵy - úsheý - 60 000 (alpys myń) teńgeden.

Ótinishter 2015 jyldyń qazan aıynyń 20 juldyzyna deıin qabyldanady. Tolyǵyraq aqparatty Astana qalasy, Rysqulbekov kósh., 16/3 úı, 203 p. mekenjaıy boıynsha nemese [phone] nómiri arqyly alýǵa bolady.