Astanada shetel ınvestorlarynyń aralyq otyrysy ótedi
ASTANA. QazAqparat - Ortalyq kommýnıkatsııalar qyzmetiniń resmı ókili Murat Jumanbaı ortalyq memlekettik organdarynyń osy aptadaǵy jumys josparyn jarııalady, dep habarlaıdy QazAqparat tilshisi.
Onyń aıtýynsha, aldaǵy juma, naýryzdyń 3-i kúni QR Investıtsııalar jáne damý mınıstrligi QR Prezıdenti janyndaǵy Shetel ınvestorlary keńesiniń aralyq otyrysyn ótkizedi. Otyrys barysynda úkimet pen keńes músheleri jumys toptary aıasynda kezdesip, ortaq máselelerdi talqyǵa salady. Sol kúni densaýlyq saqtaý jáne aýyl sharýashylyǵy mınıstrlikteriniń otyrystary ótedi.
Onda aldaǵy maqsat-mindetter talqylanady. Týra sondaı alqa otyrysy naýryzdyń 1-i kúni energetıka mınıstrliginde uıymdastyrylady.
«Al naýryzdyń 2-si kúni dıplomatııalyq vedomstvonyń quzireti sheńberinde Qazaqstan Respýblıkasynyń BUU-ǵa múshe bolyp qabyldanǵanyna 25 jyl tolýyna oraı «dóńgelek ústel» ótedi. Atalǵan sharada Syrtqy ister mınıstrliginiń basshylary, dıplomatııalyq qyzmet ardagerleri, Parlament depýtattary, sondaı-aq shetel dıplomatııalyq ókilettilikteriniń ókilderi qatysady dep kútilýde», - dep atap kórsetti Jumanbaı.
