Astanada shet el tilderin jedel meńgerýge arnalǵan mýltımedııalyq júıeniń tanystyrylymy ótti
amyrdyń 18-i. QazAqparat /Aıdar Ospanalıev/ - Búgin jedel túrde shet el tilderin meńgerýge arnalǵan aqparattyq tehnologııalar shyǵarýshy «M.A.R.I.D.I.» kompanııasy Astanada qazaq tilin ózin-ózi oqytý mýltımedııalyq júıesiniń tanystyrylymyn ótkizdi,
dep habarlaıdy QazAqparat.
«M.A.R.I.D.I.» jedel túrde shet el tilderin meńgerýge arnalǵan aqparattyq tehnologııalar shyǵaratyn Eýropadaǵy aldyńǵy qatarly kompanııalardyń biri. Al qazaq tilindegi ózin-ózi oqytý baǵdarlamasyn daıyndaý jumystary elimizde 2008 jyly bastalǵan. 2010 jyly «M.A.R.I.D.I.» kompanııasynyń ókilderi elimizdiń qazaq tili mamandarymen birlese otyryp, ózderiniń tildi úıretý memo-ádistemesin qazaq tiliniń erekshelikterine beıimdeı aldy. Sondaı-aq mýltımedııalyq baǵdarlamany daıyndaý isine de qazaqstandyq til mamandary men aýdarmashylar jáne dıktorlar qatysqan. Ony daıyndaýǵa 10 aı ýaqyt ketken. «Baǵdarlamaǵa 1 myń 700 sóz ben8 myń tirkes engizilgen. Sonymen qatar onda aýyzeki sóıleý tilin úıretý, bıznes-termınderdiń aýdarmalary, býhgalterııa men is júrgizý sharalary boıynsha qoldanylatyn tirkesterdiń barlyǵy bar. Baǵdarlama ózge tilderde joq qazaq tiliniń erekshe sózderin jattap alýǵa da jaqsy múmkindikter jasaıdy. Ol oqýǵa ońaı yńǵaıly ári ony kez kelgen jaǵdaıda paıdalanýǵa bolady», deıdi «M.A.R.I.D.I.» kompanııasynyń Basqarma tóraǵasy Aleksandr Obýlevıch.
