Astanada jas shekarashylar qalashyǵy ashyldy
ASTANA. KAZINFORM – Elorda irgesindegi Mıchýrıno turǵyn úı alabynda «Batyrlar» áskerı-patrıottyq ortalyǵy jumys isteıdi. Búgin ortalyq janynan shekara qyzmetine qyzyǵýshylyq tanytqan jasóspirimder úshin shaǵyn qalashyq ashyldy.
«2023 jyly qańtar birneshe zapastaǵy ofıtserler, generaldar bizdiń qoǵamdy ashtyq. Qalalyq ákimdik Mıchýrınodaǵy burynǵy mektep ǵımaratyn bizge 10 jylǵa berdi. Men qarýly kúshterge, shekarashylarǵa, Ulttyq ulanǵa hat jazyp, osy ǵımaratty áskerı daıyndyq ótkizýge paıdalanýǵa beretinimizdi aıttyq. Bolashaqta osy ortalyqta kadrlar daıarlaý úshin. Búgin ortalyq aýmaǵynda shekarashylar qalashyǵyn ashylyp jatyr», - dedi Áskerı patrıottyq jáne izdestirý qozǵalysy respýblıkalyq qoǵamynyń tóraǵasy Amanjol Orazbaev.
Shaǵyn qalashyq shekara qyzmeti quraldarymen jabdyqtalǵan. Ortalyqqa balalardy 7 synyptan bastap qabyldaıdy jáne oqý-jattyǵý tegin.
«Basqa qarýly kúshterge, tótenshe jaǵdaılar, Ulttyq ulan sarbazdaryna esigimiz ashyq, oryn bárine jetedi. Balalar ortalyqqa aptasyna úsh ret kelip, áskerı shynyǵý jattyǵýlaryn ótkizedi. Taǵy bir aıta ketetin jaıt, bul jerge oqýshylar mektepten tys ýaqytynda keledi. Bizdiń áskerı oqytýshylarymyz bar. Sonymen qatar byltyr «Arystan» mamandandyrylǵan ortalyǵymen memorandýmǵa qol qoıdyq, aı saıyn Arystannyń jigitteri balalarǵa taktıkalyq jáne praktıkalyq jattyǵý ótkizedi», - deıdi ol.
Sondaı-aq, saltanatty is-shara barysynda oqýshylar oqý-jattyǵý túrindegi qoıylym kórsetti. Sonymen qatar áskerı-patrıottyq ortalyqtyń tehnıkalyq-materıaldyq bazasy tanystyryldy.
