Astanada sheberlerdiń zergerlik kórmesi ótedi
ASTANA. QazAqparat - 25 qarasha kúni saǵat 16.00-de Qazaqstan Respýblıkasynyń Ulttyq murajaıynda «Qazaq mádenıetindegi ulttyq áshekeı buıymdar» atty qazaqstandyq sheberlerdiń biregeı zergerlik kórmesiniń saltanatty ashylýy ótedi.
Murajaı baspasóz qyzmetiniń habarlaýynsha, kórme qazaqtyń dástúrli zergerlik ónerin saqtaý men damytý salasyndaǵy jetistikterdi jarııa etý, sondaı-aq ǵasyrlar qoınaýyna sińip, umytylyp bara jatqan ulttyq áshekeı buıymdardy taǵý dástúrin jańǵyrtý maqsatynda ótkizilmek.
Shara qazaqtyń dástúrli zergerlik óneriniń damýy týraly tolyqqandy aqparat bere alady.
Іs-sharany uıymdastyrýshylar - QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne QR Mádenıet jáne sport mınıstrliginiń qoldaýymen «OTBASYM» Ulttyq qundylyqtar ortalyǵy, sondaı-aq Qazaqstan Respýblıkasynyń Ulttyq murajaıy.
