Astanada Sh.Aıtmatov kóshesiniń ýchaskesi jóndeý jumysyna baılanysty jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Sh.Aıtmatov kóshesiniń Syǵanaq kóshesinen Qorǵaljyn tasjolyna deıin jol tóseminiń ústińgi qabatyn salý jumysyn júrgizedi, dep habarlaıdy elorda ákimdiginiń resmı saıty.
Osyǵan baılanysty, 6-15 tamyz aralyǵynda kórsetilgen ýchaskede qozǵalys ishinara jabylady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Buǵan deıin Astanada donorlyqty qoldaýǵa arnalǵan júgirý-festıvali ótetinin habarlaǵan edik.