Astanada shaıbaly hokkeıden QR Prezıdentiniń kýbogy halyqaralyq týrnıri bastaldy
ASTANA. 9 tamyz. QazAqparat - Búgin QR Premer-Mınıstri Serik Ahmetovtiń qatysýymen Astanadaǵy «Qazaqstan» sport saraıynda shaıbaly hokkeıden Qazaqstan Respýblıkasy Prezıdentiniń kýbogy halyqaralyq týrnıri óz jalaýyn kóterdi. Saltanatty sharadan keıin «Barys» pen reseılik «Amýr» kezdesýi bastalyp ketti.
Osymen tórtinshi márte uıymdastyrylǵaly otyrǵan atalmysh jarysqa tórt komanda qatysady. Bıyl Astananyń «Barysynan» bólek, Hanty-Mansııskiniń «ıÝgra», Habarovskiniń «Amýr» jáne Podolskiniń «Vıtıaz» klýbtary baq synaıdy. Barlyǵy da - Qurlyqtyq hokkeı lıgasynda (QHL) turaqty túrde óner kórsetip júrgen azýly ujymdar. Máselen, «ıÝgra» Bratına kýbogyn eki ret oljalady. Eki márte Gagarın kýbogyna joldama alyp, shırek fınalǵa deıin jetti. «Amýr» byltyr QHL-dyń pleı-off básekesinde kúsh synasý qurmetine ıe boldy. «Vıtıaz» de ózindik oıyn órnegimen erekshelenip júrgen komanda. Al «Barys» bolsa, osyǵan deıin eki ret Prezıdent kýbogyn ıelendi.
Ústimizdegi jyldyń 9-13 tamyz aralyǵynda ótetin halyqaralyq týrnırdiń kestesi belgilendi. Jarys kestesine sáıkes, búgin, 9 tamyzda «ıÝgra» men «Vıtıaz» kezdesýi ótti. 10 tamyzda «Vıtıaz» ben «Amýr», «Barys» pen «ıÝgra» sheberlik baıqasady. 12 tamyzda «Amýr» men «ıÝgra», «Barys» pen «Vıtıaz» kezdesedi. 13 tamyzda qola medal jáne bas júlde úshin básekeler ótedi.
