Astanada shaıbaly hokkeıden jasóspirimder arasynda halyqaralyq týrnır ótip jatyr
ASTANA. KAZINFORM - Astana qalasynda shaıbaly hokkeıden 2011 jylǵy jasóspirimder arasynda halyqaralyq «UTLCIceCUP 2025» týrnıri ótip jatyr.
Bıyl besinshi márte jalaýyn jelbiretken týrnırge elordalyq «Barys», Reseıdiń «Lokomotıv» (ıAroslavl), «SKA akademııasy» (Sankt-Peterbor), «Avangard» (Omby), Belarýstiń «Dınamo» (Mınsk), Qytaıdyń «BeijingGLC» (Beıjiń) komandalary keldi.
Keshe, 13 sáýirde «Barys» hokkeıshileri reseılik «Lokomotıv» klýbymen kezdesip, qarsylasyna overtaımda 2:3 esebimen ese jiberdi. Bul oıynda qazaqstandyq komandadan Maksım Samoılıýk 35, 57-mınýtta mergendigimen kózge tústi.
Al «SKA akademııasy» «BeijingGLC» komandasyn 4:0 esebimen tize búktirdi.
«Lokomotıv» - talantty hokkeıshilerge jol ashqan komanda. Sondyqtan olarmen kezdesý biz úshin úlken tájirıbe jınaqtaýǵa múmkindik beredi. Men eki gol soqqanyma rızamyn. Esepti ózgertetin kóptegen múmkindik boldy. Al overtaımda biz úshin sáttilik jetispedi, - dedi Maksım Samoılıýk oıynnan keıingi suhbatynda.
Jarys erejesine sáıkes 13-15 sáýir kúnderi toptyq kezeń oıyndary ótkizilse, pleı-off satysyndaǵy oıyndar 19 sáýirge belgilengen.
Fınal men 3-oryn úshin oıyn 17 sáýir kúni bolady.
Eske salsaq, hokkeıden Qazaqstan jasóspirimder quramasy eki joldastyq kezdesý ótkizedi.