Astanada shatyrly dala qalashyǵy boı kóteredi
ASTANA. 7 maýsym. QazAqparat - Elordanyń týǵan kúnine oraı kóshpeliler órkenıeti festıvalinde kórermender nazaryna alǵash ret «Kóshpeli-jylqy órkenıeti» landshafty kórinisi usynylady.
Bul týraly uıymdastyrý shtabynan málim etti.
Mádenı shara barysynda Qazaqstandaǵy jylqy sharýashylyǵynyń damýynan málimet beretin murajaılardan alynǵan úzeńgi, tebingi jáne t.b. at-ábzelderi usynylady. Ekspozıtsııa sándik qorǵan retinde jasalyp, onyń qabyrǵalaryna qazaq turmysy men ómirindegi jylqy sharýashylyǵyna qatysty fotosýretter qoıylady.
Sondaı-aq festıval barysynda «Tas adamynyń jymııýy» balbal tastar alleıasyn uıymdastyrý josparlanyp otyr. Árbir balbal tas - Uly dalanyń jádigerleri tabylǵan ár aımaqtardan alynǵan túpnusqanyń dálme-dál kóshirmesi. Ár tasqa qatysty ańyz-ápsana jeterlik. Sondyqtan qonaqtarǵa tas tarıhy týraly ekskýrsııashylar tolyq baıandap beretin bolady.
Kóshpeliler qalashyǵynyń kóshelerinde dostastyq elderiniń mádenıetin dáripteýge arnalǵan sharalar uıymdastyrylady. Osy jerde qymyz óndirýshilerdiń kishigirim baıqaýy ótedi. Olar qymyzdy baptaýdyń tásilderimen bólisip qana qoımaı, qonaqtarǵa sýsynnan dám tatqyzady.
