Astanada shatyrdan qulaǵan muz avtomobıldi zaqymdady
ASTANA. QazAqparat - Elordalyq «Turmys» páter ıeleri kooperatıvi (PIK) muz kesekteri qulaǵan avtomobıl ıesine 140 myń teńge kóleminde aqsha tóleıdi, dep habarlaıdy «QazAqparat» HAA tilshisi.
«Turmys» PIK-niń ókilderi turǵyn úı shatyryna jınalǵan qardy ýaqytyly tazalamaǵany úshin turaqta turǵan kólikke muz kesekteri qulap, mashınanyń tóbesi men áınegin zaqymdady», - delingen Astana qalalyq sotynyń baspasóz qyzmetiniń habarlamasynda.
Almaty aýdandyq soty kólik ıesiniń paıdasyna «Turmys» PIK-ine 139 765 teńge kóleminde zalal tóleýge sheshim shyǵardy.
Sheshim zańdy kúshine engen joq.
