Astanada shatyrda turǵan uıaly baılanys stansasy janyp ketti
ASTANA. QazAqparat - Astanadaǵy shaǵyn marketterdiń biriniń shatyrynda keshendi uıaly baılanys stansasy órtendi, dep habarlaıdy QazAqparat tilshisi QR ІІM TJK baspasóz qyzmetine silteme jasap.
«24 sáýir kúni saǵat 21.57-de Almaty aýdany, Seıfýllın kóshesindegi №48/11 úıde ornalasqan «Danchık» shaǵynmarketiniń shatyr jabyny janyp, tóbede ornalasqan uıaly baılanys keshenine ot tıdi. Tilsiz jaý 22.30-da tolyǵymen aýyzdyqtaldy. Órtengen aýmaq 6 sharshy metrdi qurady», - dep habarlaıdy vedomstvo.
Eshkim zardap shekken joq, uıaly baılanys stansasy «Kcell» AQ-ǵa tıesili bolyp shyqty. Órt elektr symdarynyń qysqa tuıyqtalýynan shyqqan. Jalyndy óshirýge TJD-nyń 19 adamy men 4 tehnıkasy jumyldyryldy.
