Astanada «Shapaǵat-2011» baıqaýynyń úzdik ónertapqyshtary anyqtaldy
ASTANA. 22 sáýir. QazAqparat /Jasulan Amanbaıuly/ - Búgin Astanada ónertabys salasyndaǵy jetistikterdiń VIII Respýblıkalyq «Shapaǵat-2011» baıqaýy qorytyndylanyp, úzdik ónertapqyshtar anyqtaldy.
QR Ádilet mınıstrligi Ulttyq menshik quqyǵy komıteti jáne «Intellektýaldyq menshik ulttyq ınstıtýty memlekettik qazynalyq kásipornynyń» uıymdastyrýymen ótken baıqaý qorytyndysy boıynsha «Jyldyń eń úzdik ónertabysy» júldesine Vıtalıı Harchenkonyń «Aıaq bastarynyń ortopedııalyq apparaty», Almat Salǵarınniń «Avtokóliktiń jyldam júrisiniń qaýipsizdigin arttyrý tásili», Valentın Dvýrechenskııdiń «Topyraqty jyrtpaı óńdeýge arnalǵan túren» jobalary ıe boldy. Uıymdastyrýshylardyń atap ótkenindeı, olardyń ónertabystaryna ınnovatsııalyq patent tabystaldy.
Sonymen qatar baıqaý barysynda «Ónertapqysh-áıel» atalymy boıynsha eki júlde sarapqa salynǵan bolatyn. Onda «Jer qyrtysyn munaı men munaı ónimderinen tazalaý tásili» jobasyn usynǵan Ulbosyn Ydyrysova men «Mys untaǵyn alý tásili» ınnovatsııalyq-ǵylymı jetistigimen qazylardy tánti etken Lıýtsııa Karımova jeńip aldy. «Eń belsendi ónertapqysh» atalamynda baıqaýǵa 9 birdeı ónertabysymen kelgen Saıahat Núkeshev jeńimpaz atandy. Al bıotehnologııalyq jáne veterınarlyq vırýsologııa salasynda vaktsınalar alý ónertabysyn usynǵan Qaırat Tabynov baıqaýdyń «eń jas ónertapqyshy» dep tanyldy. «Jas talant» atalymy boıynsha eń úzdik ónertapqysh Ásel Kabıtova «SOFMAIıA» qyshqyl sút alý ádisi úshn júlde aldy.
«Osymen 8-ret ótkizilip otyrǵan «Shapaǵat» baıqaýynyń birden bir maqsaty - óndiriske ınnovatsııany engizý, ónerkásip salasynda úzdik jetistikterdi jan-jaqty nasıhattaý, úzdik jobalardy uıymdastyrý bolyp tabylady. Atalmysh sharany Ádilet, Bilim jáne ǵylym, Indýstrııa jáne jańa tehnologııalar mınıstrlikterimen birlesken túrde júzege asyrdy. Úsheýiniń de maqsaty bir - birinshi, ınnovatsııany ǵylymnan tabý, ekinshi, bizdiń tarapymyzdan oǵan zańdy patent berý, sonan soń ony óndiriske kirgizý», - deıdi Ádilet vıtse-mınıstri Ámirhan Amanbaev.
Jeńimpazdar Dúnıejúzilik zııatkerlik menshik uıymynyń arnaıy júldelerimen jáne «Ónertabys isine qosqan úlesi úshin» altyn dıplomdarmen marapattaldy.
Saltanatty sharada uıymdastyrýshylar qatysýshylarǵa arnap «Bolashaqty josparlaý» atty kórme jumysyn jasap, ınnovatsııalyq jobalar baǵytyndaǵy ónertapqyshtarǵa áriptestikti damytýǵa arnaıy suhbat alańyn qurǵan.
