Astanada «Shanhaı» bazarynda órt shyqty
ASTANA. QazAqparat - Astanada «Shanhaı» bazarynda órt shyqty, konteınerlerdiń birinde rýberoıd (muqaba qaǵazdan jasalǵan sý ótpeıtin, shirimeıtin jabyn) janǵan.
Astana ІІD baspasóz qyzmetiniń málimetinshe, Alash kóshesinde ornalasqan «Shanhaı» bazarynda konteınerdiń órtengeni týraly habarlama saǵat 17.52-de túsken.
«Oqıǵa ornyna kelgen kezde konteınerlerdiń birindegi qurylys materıaly - rýberoıdtyń janyp jatqany anyqtaldy. Órt sharpyǵan alań 15 sharshy metrdi qurady. Jalyn 18.03-te aýyzdyqtaldy, qurbandar men zardap shekkender joq, - dep habarlady polıtsııadan.
Shyǵyn somasy anyqtalý ústinde.
