Astanada «Shanhaı aptalyǵy» kórmesi ótedi

«Shanhaı aptalyǵy» atty kórme Shanhaı halyqaralyq saýdaǵa járdemdesý jónindegi komıtettiń bastamasymen uıymdastyryldy jáne ol Qazaqstanda alǵash ret ótkizilip jatyr. Kórmeniń basty maqsaty - Shanhaı men Qazaqstan arasyndaǵy iskerlik qatynasty nyǵaıtý jáne keńeıtý, qazaqstandyq kompanııalar men elorda turǵyndarynyń nazaryna jańa qurylǵylar men ónerkásip salasyndaǵy kerek-jaraqtardy tanystyrý.

Qytaı kompanııalarynyń Qazaqstan naryǵyna degen qyzyǵýshylyǵy Astanada ótip jatqan EKSPO-men de, eldiń energetıka, balamaly energetıka, mashına jasaý, qurylys, hımııa ónerkásibi sııaqty ekonomıka salalaryn damytýmen de baılanysty. Bul kórme qazaqstandyq kompanııalardyń Qytaıda jasalǵan eń sońǵy tehnologııalarmen tanysýyna jáne Aspan asty elinen iskerlik seriktesterin tabýyna múmkindik beredi.

Kórmege Shanhaıdyń mynadaı korporatsııalary qatysady: Shanghai Electric Group CO., Ltd, Shenergy Group Co Ltd, Shanghai GCL New Energy Investment Co., Ltd., CEFC China Energy Company Limited, SAIC MOTOR CORPORATION LIMITED PASSENGER VEHICLE CO., Bright Food (Group) Co., Ltd, Shangtex Holding Co., Ltd, Shanghai Building Materials (Group) Co., Ltd, SHANGHAI HUAYI (GROUP) COMPANY.