Astanada Shańǵy jarysy ulttyq federatsııasynyń keńeıtilgen otyrysy ótedi
ASTANA. 16 sáýir. QazAqparat - Búgin elordada Shańǵy jarysy ulttyq federatsııasynyń keńeıtilgen otyrysy ótedi. Jıynǵa «Samuryq-Qazyna» Ulttyq ál-aýqat qory» AQ basqarma tóraǵasy Ómirzaq Shúkeev qatysady.
2013 jyl Qazaqstannyń shańǵy jarysy federatsııasy úshin jetekshi halyqaralyq jarystar - álem chempıonaty jáne álem kýbogyndaǵy iri jeńisterden bastaldy.
«Bıylǵy maýsym elimiz úshin tabysty boldy. Bul úlken serpindi qadam, sebebi, Vladımır Smırnov sporttan ketkeli 18 jyldan beri Álem chempıonatynan júlde ala almaı keldik», - degen bolatyn álem kýbogyndaǵy jarystardy sátti aıaqtaǵannan soń qazaqstandyq komandanyń kóshbasshysy Alekseı Poltoranın.
Federatsııanyń bas demeýshisi «Samuryq-Qazyna» basshysynyń qatysýymen ótetin jıynda ótken maýsymnyń qorytyndylary shyǵarylady jáne bolashaqqa jospar jasalady. Ó.Shúkeev Qazaqstan quramasynyń úzdik jattyqtyrýshylaryna nagradalar tabys etedi.
Budan basqa, sharaǵa otandyq shańǵy sportynyń «juldyzdary» - Kvebektegi álem kýbogynyń jeńimpazy Denıs Volotka men álem chempıonatynyń qola júldegeri Nıkolaı Chebotko qatysady.
