Astanada Shámshi Qaldaıaqov ánderiniń halyqaralyq festıvali bastaldy
ASTANA. QazAqparat - Astanada Shámshi Qaldaıaqov ánderiniń «Meniń Qazaqstanym» halyqaralyq festıvali bastaldy. Baıqaý erteń bastalady jáne 22 qazanǵa deıin jalǵasady. Al 24 qazanda úzdik qatysýshylardy marapattaý rásimi men ótken jyldardaǵy laýreattardyń jáne óner qaıratkerleriniń qatysýymen gala-kontsert ótedi. Bul týraly elorda ákimdiginiń baspasóz qyzmetinen habarlady.
Sharaǵa Qazaqstan, Qyrǵyzstan, Ózbekstan men Qytaı ártisteri qatysady. Qatysýshylar qazaq kompozıtory Shámshi Qaldaıaqovtyń belgili ánderin oryndaıdy.
Festıval qazaq án salý ónerin damytýǵa, daryndy qazaq kompozıtorynyń ánderin halyq arasynda nasıhattaýǵa, sondaı-aq, daryndy jastarǵa qoldaý kórsetýge baǵyttalǵan.
