Astanada shahmattan ótip jatqan Álem chempıonatyn ǵalamtordan kórýge bolady
ASTANA. 3 naýryz. QazAqparat - Astanadaǵy «Dýman» qonaq úıinde bastalǵan shahmattan áıelder arasyndaǵy Álem chempıonatynyń oıyndaryn ǵalamtor arqyly kórýge múmkindik bar.
www.worldchess.kz saıtynda chempıonat barysyndaǵy barlyq 20 oıyndy on-laın rejiminde kórýge bolady. Sondaı-aq bul jerde álemdik dodaǵa qatysty barlyq materıaldar: foto-beıne reportajdar, árbir grossmeısterdiń upaılary men qol jetkizgen jetistikteri týraly aqparat ornalastyrylady.
Esterińizge sala keteıik, Astanada bastalǵan shahmattan áıelder arasyndaǵy Álem chempıonatyna Qytaı, Reseı, Ýkraına, AQSh, Úndistan, Frantsııa, Túrkııa, Grýzııa, Rýmynııa jáne óz elimizden 50 shahmatshy qatysýda. Árbir komandada bes oıynshy bar. Bul dodada Qazaqstan namysyn Gúlishan Nahbaeva, Dınara Sádýaqasova, Mádına Dáýletbaeva, Gúlmıra Dáýletova jáne Jansaıa Ábdimálik qorǵaýda.
