Astanada shaǵyn fýtboldan prokýratýra qyzmetkerleri arasynda QR Bas Prokýrorynyń kýbogi oınatyldy
QR Prokýrorynyń Kýbogi bıyl alǵash ret ótkizilip otyr. Ońtústik, Shyǵys, Ortalyq, Batys, Soltústik aımaqtar boıynsha komandalar jasaqtalyp, ózara kezdesýler ótkizdi. Ol kezeńnen súrinbeı, úzdik atanǵan 6 komanda: Atyraý, Aqtóbe, Almaty jáne Qaraǵandy oblystarynyń quramalary, Almaty qalasy men QR Bas Prokýrorynyń quramasy búgingi aqtyq týrǵa qatysty.
Tartysty ótken oıyndarda QR Bas Prokýrorynyń quramasy myqtylyq tanytyp, Kýbogti jeńip aldy. Ekinshi oryndy Qaraǵandy oblysynyń prokýratýrasy enshilese, Almaty qalasy úshinshi orynǵa ıe boldy.
«Atalǵan saıys kele jatqan Qazaqstan respýblıkasynyń Ata Zańy - Konstıtýtsııamyzdyń 15 jyldyǵyna arnalyp otyr. Osy merekelerińizben barlyqtaryńyzdy quttyqtaımyn. Sportqa quqyq qorǵaý organdary, onyń ishinde prokýratýra qyzmetkerleri árqashan beıim bolýlary kerek», dedi jeńimpazdardy marapattaý kezinde QR Bas Prokýrory Qaırat Mámı.
Q. Mámıdiń aıtýynsha, kýbok týrnıri dástúrli túrde jyl saıyn ótkiziletin bolady.